Aðalfundur BSRB 2019

 Helga Hafsteinsdóttir   miðvikudagurinn 15. maí 2019

Fjölmennur aðaldundur BSRB ályktaði um heilbrigðismál og kjarasamninga.

10. maí 2019

BSRB varar við því að aukið verði við einkavæðingu í heilbrigðiskerfinu enda yrði það í algerri andstöðu við vilja mikils meirihluta þjóðarinnar. Í nýsamþykktri ályktun aðalfundar bandalagsins er bent á að einkarekstur dragi ekki úr kostnaði hins opinbera við heilbrigðisþjónustuna og torveldi stjórnvöldum að forgangsraða og skipuleggja heilbrigðiskerfið í þágu almannahagsmuna.

„Við megum ekki láta skammtímahagsmuni ráða þegar kemur að því að byggja upp heilbrigðiskerfi sem á að þjóna öllum landsmönnum,“ segir Sonja Ýr Þorbergsdóttir, formaður BSRB. „Það eru beinir hagsmunir almennings að auka ekki við þá einkavæðingu sem þegar hefur verið ráðist í heldur styrkja opinbera heilbrigðiskerfið svo það geti veitt fyrsta flokks þjónustu án langra biðlista.“

Í ályktun aðalfundarins eru stjórnvöld hvött til að byggja upp opinbera þjónustu á Landspítalanum, heilbrigðisstofnunum á landsbyggðinni og heilsugæslunni. Þá er lögð áhersla á að markvissu átaki til að vinna niður biðlista eftir aðgerðum verði haldið áfram. Einnig eru stjórnvöld hvött til að gera nauðsynlegar úrbætur á starfsumhverfi starfsfólks í heilbrigðiskerfinu til að gera stofnanirnar að aðlaðandi vinnustöðum fyrir vel menntað og öflugt starfsfólk til að tryggja nauðsynlega endurnýjun.

1.maí samkomurnar voru vel sóttar

 Helga Hafsteinsdóttir   fimmtudagurinn 2. maí 2019

Það er gaman að segja frá því að nú sem endranær, voru samkomurnar okkar á öllum fjórum stöðunum vel sóttar. SDS hefur verið í góðu samstarfi við önnur stéttarfélög sem eru Sameyki, Stéttarfélag Vesturlands og Verkalýðsfélag Snæfellinga. Samkomurnar voru í Klifi Ólafsvík, samkomuhúsinu í Grundarfirði, Fosshótel Stykkishólmi og Dalabúð Búðardal.

Myndin sem fylgir fréttinni er af Sigursteini Sigurðarsyni, arkitekt sem var ræðumaður hjá okkur í Búðardal. Í ræðu sinni fór hann víða, m.a. um verkalýðsmál, velferðarmál, umhverfismál, mál innflytjenda og fjórðu iðnbyltinguna.

Vel lukkaður dagur og viljum við þakka öllum sem komu til okkar og sýndu þannig í verki stuðning við eins brýnt málefni og verkalýðsbaráttan er. 

Kærar þakkir og ef þið viljið skoða fleiri myndir þá eru þær inní myndasafninu og það eiga eftir að koma fleiri. 

Stöndum saman!

 Helga Hafsteinsdóttir   laugardagurinn 27. apríl 2019

Orlofsuppbót 2019

 Helga Hafsteinsdóttir   miðvikudagurinn 24. apríl 2019

Ágæti félagi, við viljum benda þér á!

Orlofsuppbót er hluti af öllum kjarasamningum aðildarfélaga BSRB og greiðist annað hvort 1. maí eða 1. júní. Orlofsuppbótin er föst krónutala, á hana bætist ekki orlof, og samið er um hana fyrir hvert og eitt ár þegar kjarasamningar eru gerðir. Hjá ríkinu og Reykjavíkurborg er uppbótin greidd 1. júní en hjá öðrum sveitarfélögum er hún greidd 1. maí.

Þar sem kjarasamningar eru lausir núna liggur ekki fyrir hver upphæð orlofsuppbótar fyrir árið 2019 verður. Það þýðir þó ekki að greiðsla orlofsuppbótar frestist þar til samið verður. Eðlilegt er að starfsmenn fái greidda orlofsuppbót síðasta árs á þeim tímapunkti sem kjarasamningur greinir og fái svo leiðréttingu ef samið verður um hærri orlofsuppbót í komandi kjarasamningum. Á árinu 2018 var orlofsuppbótin 48.000 krónur í flestum samningum aðildarfélaga BSRB.

Um orlofsuppbót gilda almennt þær reglur að einstaklingar sem hafa verið í fullu starfi allt orlofsárið, frá 1. maí til 30. apríl, fá fulla uppbót. Það sama gildir um einstaklinga sem hafa verið í fæðingarorlofi eða launalaust frá störfum vegna veikinda í allt að sex mánuði. Starfsmenn í hlutastarfi fá greidda uppbót eftir starfshlutfalli og þeir starfsmenn sem hafa unnið hluta úr ári sömuleiðis, ef þeir hafa unnið að minnsta kosti 3 mánuði á orlofsárinu.

1.maí samkomur á félagssvæði SDS

 Helga Hafsteinsdóttir   þriðjudagurinn 23. apríl 2019

Félagar sýnum samstöðu á degi verkalýðsins

Dalabúð, Búðardal 

Dagskrá;

Samkoman sett kl.14:30

Kynnir, Helga Hafsteinsdóttir, formaður SDS

Ræða dagsins, Sigursteinn Sigurðsson, arkitekt

Tónlistaatriði: 

Tónlistaskóli Auðarskóla og

Helga Möller, söngkona 

Kaffiveitingar að lokinni dagskrá að hætti Katrínar Lilju 

Allir velkomnir og börn í fylgd með fullorðnum.