Hleð......

Fræðsluefni fyrir alla um styttingu í vaktavinnu

 

Mikið af kynningarefni um styttingu vinnuvikunnar má finna á vefnum betrivinnutimi.is.
Mikið af kynningarefni um styttingu vinnuvikunnar má finna á vefnum betrivinnutimi.is.

Nú þegar innleiðingu á styttingu vinnuvikunnar í dagvinnu er lokið eða að verða lokið á vinnustöðum ríkis og sveitarfélaga er undirbúningur undir styttinguna hjá vaktavinnufólki kominn á fullan skrið og tími til kominn fyrir alla sem starfa í vaktavinnu á vinnustöðum hins opinbera að kynna sér málið.

Mikið af kynningarefni hefur þegar verið gefið út og breytir engu hvort starfsfólki hentar betur að lesa sér til eða horfa á stutt og vel framsett kynningarmyndbönd, allir geta fundið kynningarefni við sitt hæfi.

Samið var um styttingu vinnuvikunnar í kjarasamningum aðildarfélaga BSRB og annarra stéttarfélaga opinberra starfsmanna í mars 2020. Hjá vaktavinnufólki fylgja þessari byltingu í vinnutíma ákveðnar breytingar á launamyndunarkerfi sem gott er að kynna sér.

Vinnuvika vaktavinnufólks mun að lágmarki styttast úr 40 stundum í 36. Hún mun styttast enn meira hjá þeim sem eru á þyngstu vöktunum, allt niður í 32 stundir.

BSRB og aðrir samningsaðilar standa að vefnum betrivinnutimi.is þar sem settar hafa verið inn leiðbeiningar fyrir starfsfólk og stjórnendur svo allir geti kynnt sér þær breytingar sem framundan eru. Þar sem viðbúið er að meira efni bætist við væri sniðugt að skrá sig í áskrift á vefnum hér.

Fyrir þá sem vilja fá yfirlit í einum pakka má benda á stutt PDF-skjal með helstu upplýsingum.

Þeir sem frekar kjósa að horfa geta horft á stutt kynningarmyndband um styttinguna hjá vaktavinnufólki hér að neðan:

 

Hér er svo farið yfir umbótasamtal á vinnustaðnum:

 

Hér er fjallað um ávinning kerfisbreytinga:

 

Og hér er myndband um markmið og leiðarljós með styttingu vinnuvikunnar hjá vaktavinnufólki:

 

Það er auðvelt fyrir alla að kynna sér hvað framundan er í styttingu vinnuvikunnar hjá vaktavinnufólki. Við hvetjum alla til að kynna sér málið á betrivinnutimi.is og skrá sig í áskrift til að fá allt nýjasta efnið sem bætist við á vefinn.

Upp