Hleð......

Metoo umræðan

Fjölmargar ábendingar komu fram á fundi #metoo kvenna sem bandalög stéttarfélaga og Kvenréttindaféla…
 

 Stéttarfélög, atvinnurekendur og stjórnvöld þurfa að og bregðast við #metoo umræðunni og grípa tafarlaust til aðgerða. Þetta er niðurstaða fjölmenns fundar #metoo kvenna sem bandalög stéttarfélaga og Kvenréttindafélag Íslands stóðu fyrir nýverið.

 Fjölmargar ábendingar komu fram á fundi #metoo kvenna sem bandalög stéttarfélaga og Kvenréttindafélag Íslands stóðu fyrir. Í skýrslu sem unnin hefur verið upp úr ábendingum fundargesta, sem komu úr fjölmörgum #metoo hópum kvenna, kemur fram sú krafa að allir taki þátt í því að laga samfélagið.

Á fundinum, sem fór fram með þjóðfundarsniði, komu fram ábendingar sem bandalögunum og Kvenréttindafélaginu var falið að fylgja eftir. Það munu þau gera í sinni starfsemi og gagnvart stjórnvöldum og atvinnurekendum.

Hér eru nokkrar af niðurstöðum fundarins:

  • Atvinnurekendur þurfa að axla ábyrgð, vera virkir í umræðunni og grípa til sýnilegra aðgerða á vinnustöðum með þátttöku allra starfsmanna. Efla þarf fræðslu og umræðu um heilbrigð samskipti, mörk og meðvirkni.
  • Stéttarfélög eiga að vera leiðandi í umræðunni, virkja trúnaðarmenn og heimsækja vinnustaði. Einnig eiga þau að styðja þolendur innan vinnustaða.
  • Stjórnvöld þurfa að breyta jafnréttislögum þannig að heimilt verði að sekta vinnustaði sem ekki sinna forvörnum og upprætingu kynbundinnar áreitni, kynferðislegrar áreitni og annars ofbeldis á vinnustöðum.

Að fundinum stóðu Alþýðusamband Íslands, Bandalag háskólamanna, BSRB, Kennarasamband Íslands og Kvenréttindafélag Íslands.

Lesa má nánar um niðurstöður fundarins og tillögurnar í heild í skýrslunni Samtal við #metoo konur – Hvað getum við gert?

BSRB og fleiri samtök hafa látið þýða bæklinginn um kynbundna áreitni, kynferðislega áreitni og ofbeldi á vinnustöðum sem má finna hér https://www.bsrb.is/is/frettir/frettasafn/baeklingur-um-areitni-a-thremur-tungumalum 

Hér er hann á pólsku og ensku. Pólsku; https://www.bsrb.is/is/frettir/frettasafn/czy-znasz-swoje-prawa-dotyczace-w-miejscu-pracy 

og ensku https://www.bsrb.is/is/frettir/frettasafn/do-you-know-your-rights-in-the-workplace-in-iceland 

 

Upp