Hleð......

1.maí samkomurnar voru vel sóttar

Það er gaman að segja frá því að nú sem endranær, voru samkomurnar okkar á öllum fjórum stöðunum vel sóttar. SDS hefur verið í góðu samstarfi við önnur stéttarfélög sem eru Sameyki, Stéttarfélag Vesturlands og Verkalýðsfélag Snæfellinga. Samkomurnar voru í Klifi Ólafsvík, samkomuhúsinu í Grundarfirði, Fosshótel Stykkishólmi og Dalabúð Búðardal.

Myndin sem fylgir fréttinni er af Sigursteini Sigurðarsyni, arkitekt sem var ræðumaður hjá okkur í Búðardal. Í ræðu sinni fór hann víða, m.a. um verkalýðsmál, velferðarmál, umhverfismál, mál innflytjenda og fjórðu iðnbyltinguna.

Vel lukkaður dagur og viljum við þakka öllum sem komu til okkar og sýndu þannig í verki stuðning við eins brýnt málefni og verkalýðsbaráttan er. 

Kærar þakkir og ef þið viljið skoða fleiri myndir þá eru þær inní myndasafninu og það eiga eftir að koma fleiri. 

Stöndum saman!

Orlofsuppbót 2019

Ágæti félagi, við viljum benda þér á!

Orlofsuppbót er hluti af öllum kjarasamningum aðildarfélaga BSRB og greiðist annað hvort 1. maí eða 1. júní. Orlofsuppbótin er föst krónutala, á hana bætist ekki orlof, og samið er um hana fyrir hvert og eitt ár þegar kjarasamningar eru gerðir. Hjá ríkinu og Reykjavíkurborg er uppbótin greidd 1. júní en hjá öðrum sveitarfélögum er hún greidd 1. maí.

Þar sem kjarasamningar eru lausir núna liggur ekki fyrir hver upphæð orlofsuppbótar fyrir árið 2019 verður. Það þýðir þó ekki að greiðsla orlofsuppbótar frestist þar til samið verður. Eðlilegt er að starfsmenn fái greidda orlofsuppbót síðasta árs á þeim tímapunkti sem kjarasamningur greinir og fái svo leiðréttingu ef samið verður um hærri orlofsuppbót í komandi kjarasamningum. Á árinu 2018 var orlofsuppbótin 48.000 krónur í flestum samningum aðildarfélaga BSRB.

Um orlofsuppbót gilda almennt þær reglur að einstaklingar sem hafa verið í fullu starfi allt orlofsárið, frá 1. maí til 30. apríl, fá fulla uppbót. Það sama gildir um einstaklinga sem hafa verið í fæðingarorlofi eða launalaust frá störfum vegna veikinda í allt að sex mánuði. Starfsmenn í hlutastarfi fá greidda uppbót eftir starfshlutfalli og þeir starfsmenn sem hafa unnið hluta úr ári sömuleiðis, ef þeir hafa unnið að minnsta kosti 3 mánuði á orlofsárinu.

1.maí samkomur á félagssvæði SDS

Félagar sýnum samstöðu á degi verkalýðsins
Félagar sýnum samstöðu á degi verkalýðsins

Dalabúð, Búðardal 

Dagskrá;

Samkoman sett kl.14:30

Kynnir, Helga Hafsteinsdóttir, formaður SDS

Ræða dagsins, Sigursteinn Sigurðsson, arkitekt

Tónlistaatriði: 

Tónlistaskóli Auðarskóla og

Helga Möller, söngkona 

Kaffiveitingar að lokinni dagskrá að hætti Katrínar Lilju 

Allir velkomnir og börn í fylgd með fullorðnum. 

 

Sumarúthlutanir og margt annað í boði

Kæru félagar, sumarið er alveg að bresta á! 

Umsóknartímabilið fyrir orlofsbústaðina okkar hófst 6. apríl og stendur til 13. apríl, en þá verður úthlutað úr umsóknum.

24. apríl verður svo opnað fyrir "fyrstur kemur fyrstur fær" tímabilið og þá geta félagsmenn pantað beint það sem laust verður eftir úthlutun sumartímabilsins. 

Sumarorlofstímabilið er frá 24. maí til 13. september.

Allar upplýsingar um það sem er í boði er í orlofsblaðinu okkar sem er hérna á heimasíðunni okkar og svo fór blaðið út til félagsmanna í síðustu viku. 

Við minnum líka á að hægt er að sækja um orlofshúsið okkar Mosfell, í Torrevieja á Spáni, bara fara inn á orlofsvefinn og ganga frá leigunni, enn eru laus tímabil þar. 

Hótel gistimiðar, veiði og útilegukort má finna hér líka á góðu verði.

Ég vil hvetja þig til að fara inná orlofsvefinn okkar og skoða allt það sem er í boði. 

Ef þið eigið í einhverjum vandræðum að komst inn, þá ekki hika við að hafa samband og við greiðum úr því. 

Upp