Hleð......

Almenna félags- og kynningarfundi 21.febrúar AFLÝST!

Sælir, félagar
 
Miðað við lítil sem engin viðbrögð við almenna félags- og trúnaðarmannafundinum, sem átti að verða á fimmtudaginn kemur, þá sé ég ekki annað í stöðinni en að aflýsa honum. 
Ég get ekki haldið fyrirlesurunum lengur vegna þessa, því miður.
 
Vonandi getum við gert aðra tilraun síðar.
 
Með vinsemd,
Helga 

Viðhorfskönnun meðal félagsmanna aðildarfélaga Samflots

 

 Ágæti félagsmaður.

Aðildarfélög Samflots, FOSA, Fos-Vest., SDS, St. Fjallabyggð, St. Fjarðabyggð, STAVEY og St. Húsavíkur, leita nú til félagsmanna sinna með vandaða viðhorfskönnun um kröfur og önnur helstu atriði í komandi kjarasamningum.

Félögin eru að vinna að kröfugerð fyrir komandi kjarasamninga við sveitarfélög og ríki og mun þitt svar hafa áhrif á þá vinnu.

Einnig er spurt um annað, s.s. líðan í starfi, um starfsumhverfi og launakjör, um afstöðu til stéttarfélags og um sameiningu stéttarfélaga ásamt öðru. Það er fyrirtækið Zenter-rannsóknir sem sér um þessa könnun fyrir okkur og vinnslu úr henni og þátttaka tekur um 7 til 9 mínútur.

Formannaráð Samflots hvetur félagsmenn aðildarfélaganna til að taka þátt í þessari könnun sem verður send innan fárra daga á netfang félagsmanna og hægt er að svara á netinu.

Eftir að könnun lýkur verða dregin út nöfn þriggja svarenda sem fá hver um sig 20 þúsund króna gjafabréf.

Ef einhver les þetta og telur sig vera félagsmann í einhverju aðildarfélagi Samflots og hefur ekki fengið könnun senda, þá er sá hinn sami hvattur til að hafa samband við formann þess félag eða formann Samflots.

 

Með von um góða þátttöku félagsmanna

Guðbjörn Arngrímsson

formaður Samflots

S: 899-6213

Málþingið um kulnun og álag

Málþingið um kulnun og álag var gríðarlega vel sótt, hvert sæti skipað og fullt út úr dyrum í salnum…
Málþingið um kulnun og álag var gríðarlega vel sótt, hvert sæti skipað og fullt út úr dyrum í salnum.

Nýjar rannsóknir á bata þeirra sem greinst hafa með kulnun sýna að erfitt getur reynst að ná fullum bata og því gríðarlega mikilvægt að huga að forvörnum áður en í óefni er komið. Þetta kom fram í erindi Ingibjargar Jónsdóttur, forstöðumaður Institute of Stress Medicine í Svíþjóð og prófessor við Gautaborgarháskóla, á málþingi BSRB um kulnun og álag í starfi í morgun.

Málþing BSRB um kulnun og álag í starfi var haldið á Reykjavík Natura hótelinu og var afar vel sótt. Um 250 manns komu á málþingið og fræddust um hvernig hægt sé að bregðast við kulnun og öðrum afleiðingum álags í starfi.

Rannsóknirnar sýna að um þriðjungur þeirra sem kominn var með alvarlega kulnun var enn með einkenni eftir sjö ár og hafði ekki náð að snúa aftur til vinnu. „Þetta segir mér að forvarnir eru eini möguleikinn, það er ekkert annað í boði,“ sagði Ingibjörg í erindi sínu.

Hún benti á að ýmsar aðferðir sem hafa gefið góðan árangur í því að koma í veg fyrir að fólk finni einkenni kulnunar, til dæmis hugræn atferlismeðferð, hreyfing og ýmislegt fleira, séu ekki nothæf tæki í að takast á við ástand þeirra sem eru lengst leiddir. Þar þurfi að beita öðrum aðferðum, enda geti alvarleg kulnun haft bein áhrif á heilastarfsemi sjúklinga.

Það er því langsamlega hagkvæmast fyrir bæði einstaklingana og samfélagið að vera með öflugar forvarnir frekar en að reyna að takast á við vandann eftir að fólk hefur þróað með sér sjúkdóma vegna kulnunar.


Meira

Drögum úr ójöfnuði

Sonja Ýr Þorbergsdóttir, formaður BSRB.
Sonja Ýr Þorbergsdóttir, formaður BSRB.

Krafa launafólks um að allir geti lifað af á launum sínum hefur verið áberandi í umræðunni og verður í forgrunni þegar kjarasamningar þorra aðildarfélaga BSRB losna í lok mars. Sú krafa beinist ekki síður að stjórnvöldum en launagreiðendum enda til lítils að hækka laun þeirra lægst launuð ef kjarabæturnar eru hirtar aftur af fólki í gegnum skattkerfið.

Í viðræðum BSRB við stjórnvöld leggjum við höfuðáherslu á breytingar á skattkerfinu, úrbætur á húsnæðismarkaði, styttingu vinnuvikunnar, jöfnun launa milli almenna og opinbera markaðarins og launaþróunartryggingu

Skattkerfið hefur á undanförnum árum verið notað til að auka misskiptinguna í samfélaginu. Álögurnar á þá sem minnstar hafa tekjurnar hafa aukist og barnabætur og vaxtabætur setið eftir. Á sama tíma hafa tekjur þeirra tekjuhæstu aukist verulega. Með öðrum orðum, byrðunum hefur verið velt af þeim sem eru aflögufærir og yfir á lágtekju- og millitekjuhópana.


Meira

SDS óskar eftir að koma upp netfangalista félagsmanna

Ágæti SDS félagi

Til að við sem störfum í forystu- og við önnur trúnaðarstörf innan félagsins getum gert enn betur, þá er stór þáttur þess, að vinna að því að koma á enn betri tengslum við almenna félagsmanninn innan SDS í netheimum. Það gerum við nú þegar með því að halda uppi heimasíðu  https://sds.is/index.php/en/   og Facebook   https://www.facebook.com/dalaogsnae/  . En til að tryggja að við getum komið til ykkar áríðandi skilaboðum og upplýsingum þá langar okkur að gera átak í netfanga- listanum.

Við erum m.a. að skoða þann möguleika að standa fyrir netkönnun vegna væntanlegra kjarasamningavinnu og um leið viðhorfskönnun félaganna til félagsins. Til að slík könnun geti verið marktæk, þurfum við að ná til meirihluta félagsmanna. Af tæplega 400 félagsmönnum, eru við bara með um 150 netföng sem hafa verið samþykkt af félagsmönnum.  

Ég vil því biðja ykkur sem þetta sjáið að senda á netfangið ; dalaogsnae@gmail.com , með meldingunni, samþykkt netfang. Og vekja athygli annarra félagsmanna á þessari beiðni okkar.

Með von um að þú aðstoðir okkur í þessu átaki, félagi okkar til heilla

Upp