Hleð......

Sumarúthlutanir og margt annað í boði

Kæru félagar, sumarið er alveg að bresta á! 

Umsóknartímabilið fyrir orlofsbústaðina okkar hófst 6. apríl og stendur til 13. apríl, en þá verður úthlutað úr umsóknum.

24. apríl verður svo opnað fyrir "fyrstur kemur fyrstur fær" tímabilið og þá geta félagsmenn pantað beint það sem laust verður eftir úthlutun sumartímabilsins. 

Sumarorlofstímabilið er frá 24. maí til 13. september.

Allar upplýsingar um það sem er í boði er í orlofsblaðinu okkar sem er hérna á heimasíðunni okkar og svo fór blaðið út til félagsmanna í síðustu viku. 

Við minnum líka á að hægt er að sækja um orlofshúsið okkar Mosfell, í Torrevieja á Spáni, bara fara inn á orlofsvefinn og ganga frá leigunni, enn eru laus tímabil þar. 

Hótel gistimiðar, veiði og útilegukort má finna hér líka á góðu verði.

Ég vil hvetja þig til að fara inná orlofsvefinn okkar og skoða allt það sem er í boði. 

Ef þið eigið í einhverjum vandræðum að komst inn, þá ekki hika við að hafa samband og við greiðum úr því. 

Fjölmargt sem bætir lífskjör í nýjum kjarasamningum

„Forgangsmál okkar eru þau að fólk geti lifað af á laununum sínum og að við styttum vinnuvikuna hjá launafólki,“ segir Sonja Ýr Þorbergsdóttir, formaður BSRB.

„Forgangsmál okkar eru þau að fólk geti lifað af á laununum sínum og að við styttum vinnuvikuna hjá …
 

BSRB óskar samningsaðilum á almenna vinnumarkaðinum til hamingju með nýgerða lífskjarasamninga, sem skrifað var undir í gærkvöldi. Í samningunum, sem og í yfirlýsingu stjórnvalda í tengslum við gerð kjarasamninga, eru fjölmörg atriði sem geta bætt lífskjör launafólks og því ber að fagna.

Bandalagið tók þátt í samtalinu við stjórnvöld og hefur að einhverju leyti verið tekið tillit til áherslna BSRB í yfirlýsingu ríkisstjórnarinnar. Kjarasamningar þorra aðildarfélaga BSRB losnuðu um síðustu mánaðarmót. Félögin hafa veitt BSRB samningsumboð í ýmsum sameiginlegum málum, svo sem um styttingu vinnuvikunnar. Félögin semja svo hvert fyrir sig um launabreytingar og önnur sértæk málefni.


Meira

AÐALFUNDI FRESTAÐ!

Kæru félagar athugið!

Vegna ófyrirsjáanlegra aðstæðna verður aðalfundi SDS sem áður var auglýstur laugardaginn 6.apríl, frestað fram á haustdaga. Fundardagur auglýstur síðar.

Við viljum biðjast afsökunar á óþægindum sem af þessu leiðir.

Stjórn SDS

Leita

Upp